Byggeleiar til skredsikringstiltak

Har du lyst å vera med å sikra vegane i Vestland, har kunnskap rundt arbeid med skredsikringstiltak, byggeleiing eller anna relevant arbeid, og har lyst på ein variert arbeidskvardag? Då ynskjer vi at du sender inn ein søknad!

Avdelinga for infrastruktur og veg i Vestland fylkeskommune har ansvar for om lag 5600 km fylkesveg. Vi arbeider for trygge kvardagsvegar og vi skal planlegge og bygge vegane våre slik at dei er sikre og tilpassa framtida. Vi er ein stor byggherre innan samferdsle og har mange spennande investerings- og vedlikehaldsprosjekt i åra som kjem.

Visjonen vår er å tilby eit effektivt, tilgjengeleg, sikkert og miljøvennleg vegsystem som dekkjer samfunnet sitt behov for transport, og fremjar regional utvikling.

Seksjon for mindre skredsikringstiltak har ansvar for planlegging og utføring av skredsikringstiltak på fylkesvegane våre. Døme på slike tiltak er reinsk og sikring av fjellsider og vegskjeringar, oppføring av fanggjerde, steinsprangnett, isnett og anna siring av berg og lausmassar, samt sikringstiltak mot snøskred.

Til seksjon mindre skredsikring er vi på jakt etter to byggeleiarar med arbeidsstad Leikanger og Voss. Stillinga er fast.

Arbeidsoppgåver

Som byggeleiar hos oss vil du få ansvar for å følge opp prosjekt og du vil jobbe tett saman med prosjektleiarar, andre byggeleiarar og kontrollingeniørar.

Ansvarsområder vil vere :

• Teknisk og økonomisk hovudansvar for gjennomføring og evaluering av kontraktar
• Følge opp og rapportere på økonomi, kvalitet, fremdrift og HMS på eigne prosjekt
• Arbeid med utarbeiding av konkurransegrunnlag
• Arbeidsleiing av kontrollingeniørar
• Koordinere arbeidet med andre faggrupper og etatar
• Ansvarleg for kontakt med offentlege etatar, grunneigarar og andre som vert berørd av anleggsarbeidet
• Bistå i reguleringsplanar, byggeplaner / detaljplaner
• Aktivt bidra i skredsikringsmiljøet internt og eksternt

Kvalifikasjonar

Du har relevant høgare utdanning. Minimum 3 år med relevant teknisk utdanning frå universitet eller høgskule. Dersom du har fagbrev eller teknisk fagskule og relevant erfaring, kan vi sjå bort frå utdanningskravet.

Det er ein fordel med erfaring frå fagmiljøet geologi og skred eller har kunnskap innan fagområdet skred og skredsikring. Du må trivast med kombinasjon av kontorarbeid og synfaringar.

Du har god norsk munnleg og skriftleg framstillingsevne og førarkort kl. B. Du må også ha god kompetanse i å nytte IKT- verktøy.

Vil du vite meir om stillinga er du velkommen til å ta kontakt med leiar for seksjonen : Jorunn Hillestad Sekse, , eller du kan ta kontakt med prosjektleiar : Tove Taranger Knutsen

Personlege eigenskapar

Du evnar å arbeide sjølvstendig og har god gjennomføringsevne. Du er strukturert og handterer godt ein kompleks og variert arbeidskvardag.

Stillinga inneber mykje kontakt med relevante samarbeidspartar, både internt og eksternt, og det er difor viktig at du er god på og kan trivast i samhandling med andre.

Vi tilbyr

Du blir ein del av eit sterkt tverrfagleg miljø og vil ha varierte arbeidskvardagar og meiningsfulle arbeidsoppgåver, med gode moglegheiter for fagleg påverknad og utvikling.

I tillegg får du mellom anna :

Kontaktinformasjon

Jorunn Hillestad Sekse, leiar,

Arbeidsstad

Askedalen 2, 5863 Leikanger

Nøkkelinformasjon

Arbeidsgivar : Vestland fylkeskommune

Referansenr. :

Stillingsprosent : 100%

Fast

Søknadsfrist :

Vestland fylkeskommune har ansvar for å utvikle Vestland fylke og å yte viktige tenester for samfunnet. Vi gir vidaregånde opplæring, tannhelsetenester og kollektivtransport til innbyggjarane i fylket.Vi har ansvar for vegsamband og legg til rette for næringsutvikling, fritidsopplevingar, kulturliv og inkludering. Klima og miljø er premiss for samfunnsutviklinga og som verdiskapingsfylke er Vestland ein nasjonalpådrivarfor eit desentralisert Noreg.

Vi skal vere ein trygg og inkluderande arbeidsplass for alle, uavhengig av kjønn, alder, etnisk bakgrunn, religion, livssyn, funksjonsevne, seksuell orientering og kjønnsidentitet.Hos oss jobbar vi aktivt med mangfald, inkludering og likestilling. Mangfald bidrar til auka innovasjon, berekraft, effektivitet, læring og trivsel. Vi vil at dei som jobbar hos oss skal spegle samfunnet i Vestland.

Vi gjer merksam på at i følgje offentleglova § 25, 2. ledd, kan opplysningar om søkjaren bli offentleggjort sjølv om du har oppmoda om å ikkje bli ført på offentleg søkjarliste. Dersom du har bedt om unntak frå offentleg søkjarliste vil du alltid bli varsla før søkjarlista blir offentleggjort.

Alle nye tilsetjingar blir gjort med ei prøvetid på 6 månader. Administrasjonsmålet vårt er nynorsk.

#J-18808-Ljbffr