Leiar HAFS interkommunale barnevernsteneste

Oversikt

Ønskjer du ein givande og utfordrande jobb der du kan utgjere ein forskjell?

Leiar HAFS interkommunale barnevernsteneste

Fjaler kommune har ledig ei 100 % fast stilling som leiar for HAFS interkommunale barnevernsteneste. Vi søkjer deg som er trygg, fagleg sterk og klar for ein kvardag med både faglege utfordringar og meining. Er du i tillegg fleksibel og omstillingsdyktig? Då kan det vere deg vi ser etter.

HAFS barnevernteneste jobbar for å finne gode løysingar for barn og føresette i Hyllestad, Askvoll, Fjaler og Solund. Eininga har ti stillingar med engasjerte medarbeidarar som samarbeider om å løyse utfordringar og sjå moglegheiter til det beste for barn og familiar i regionen.

No søker vi deg som trur på barn og foreldre sine ibuande ressursar og kan syne retninga vidare for medarbeidarane dine. Du vil ha kontor i Dale i nye, hyggelege lokale. Her jobbar du i eit tverrfagleg team med låg terskel for å søke støtte og råd hos kollegaene. Vi har eit godt og inkluderande arbeidsmiljø, og tek gjerne eit kjapt møte i sofaen for å drøfte ulike problemstillingar.

Som leiar er det viktig at du ser dei store linjene og tek ansvar for å oppnå gode resultat og god drift av tenesta. Vi jobbar kontinuerleg med å girett hjelp til riktig tid på rett nivå.

Barnevernsfeltet er inne i ei tid med stor utvikling, og som leiar kan du vere med på å forme ei barnevernteneste for framtida. HAFS barnevernteneste deltek i ulike utviklingsprosjekt for å gje eit godt fagleg tilbod, og leiar har ei viktig rolle her. Du vil ha medansvar for oppfølginga av vedtekne planar og skal sørgje for at tenesta er deltakande i viktige samarbeid i HAFS.

Vivektlegg å møte barn, familiar og samarbeidspartar der dei høyrer til, noko som betyr ein del reiseverksemd i arbeidet. Du får høve til å jobbe tett på familiar, samtidig som du bidreg med fagleg kvalitetssikring, rettleiing og utvikling av tenesta.

• Hovudansvar for å drive eit best mogleg tenestetilbod for barn, deira familier og nettverk
• Rettleie tilsette og bidra til kompetanseutvikling i tenesta
• Koordinering, samarbeid og samhandling internt, samt bidra til godt tverrfagleg samarbeid med andre samarbeidspartar
• Bidra til utvikling av eit godt tenestetilbod i tråd med gjeldande føringar og lovverk

Kvalifikasjonar

Frå 2031 vert det lovpålagt at leiar for barneverntenester har masterutdanning. Den vil tilset må difor gjennomføre masterutdanning innan 2031 dersom vedkomande ikkje har det ved tilsetjing.

Det blir vektlagt om ein er personleg egna til stillinga.

Personlege eigenskapar

Om du ønskjer ein givande og utfordrande jobb vil vi gjerne høyre i frå deg. Saman kan vi gjere ein forskjell for barn, unge og familiar i HAFS.

Vi gjer merksam på at søkjarliste med namn, kjønn, alder og noverande stilling i utgangspunktet er offentleg. Dersom det ikkje er særlege grunnar for å unnta offentleggjering, vil søkjaren verte kontakta og få høve til åtrekke søknaden sin før søkjarliste vert gjort offentleg.

HAFS barnevernteneste er ei teneste for kommunane Hyllestad, Askvoll, Fjaler og Solund. Vi har ti stillingar med kontorstad på Fjalerhuset, Dale i Sunnfjord.

#J-18808-Ljbffr