Funksjonsleiar for dialogsenter og sentralbord

Funksjonsleiar for dialogsenter og sentralbord – vil du leie ei nøkkelavdeling på Haugesund sjukehus?

Likar du ein variert kvardag der du får bruke både oversikt og relasjonsbygging?Vi ser etter deg som trivst med å handtere mange ulike oppgåver på ein strukturert måte. Du motiverer og byggjer gode relasjonar – og gjennom leiarskapen din inspirerer du medarbeidarane til både samspel og kontinuerleg kvalitetsforbetring.

Som funksjonsleiar hos oss får du ansvar for dialogsenter og sentralbord i Helse Fonna. Du får leiaransvar for fag, kvalitet, drift, personell og økonomi i ei avdeling med 17 flinke medarbeidarar. Samtidig blir du ein del av leiargruppa i klinikken - med moglegheit til å påvirke både utviklinga av tenesta og kvardagen til mange, frå første telefon til siste arkiverte dokument.

Kjenner du deg igjen? Då håpar vi du søker – vi gler oss til å bli kjent med deg!

• Ha drift-, økonomi, kvalitet- og personalansvar for avdelinga.
• Endre og avbestille timar i samarbeid med pasientar og poliklinikkar
• Bidra til godt samarbeid med poliklinikkane og sikre god informasjonsflyt
• Delta i leiar-, strategi- og investeringsmøte i klinikken
• Det er ønskeleg med utdanning innan leiing.
• Relevant leiarerfaring, gjerne frå helsevesenet, kan vege opp for manglande formell utdanning.
• God kjennskap til IKT og pasientsystem (DIPS-erfaring er ein fordel)
• Søkjar må kunne norsk munnleg og skriftleg og grunnleggande ferdigheter i engelsk munnleg.
• kommuniserer tydeleg og klart, slik at mål og forventningar blir forstått og følgde opp i kvardagen
• finn gode løysingar, også når tempoet er høgt og presset er stort
• har blikk for heilskapen, ser samanhengar og forstår korleis avdelinga heng saman med resten av føretaket

Kvifor skal du velje oss?

Vi oppfordrar alle søkarar til å nytte Vitnemålsportalen for å laste opp verifiserte vitnemål og karakterutskrifter, der det er mogleg. Har du utdanning frå utlandet, legg ved godkjenning frå Direktoratet for høgare utdanning og kompetanse.

Helse Fonna har rundt 4200 medarbeidarar som jobbar for å gi best mogleg behandling og pleie til pasientane. Vår oppgåve er å gi spesialiserte helsetenester til dei over 180 000 innbyggarane i Sunnhordland, Indre Hardanger og Nord-Rogaland.

Helse Fonna ønsker så langt som råd å avspegle mangfaldet i befolkninga. Vi ønsker å rekruttere medarbeidarar uavhengig av kjønn med ulik kompetanse, fagkombinasjonar, livserfaring og perspektiv for å bidra i spesialisthelsetenesta.

#J-18808-Ljbffr