Pedagogisk leiar / barnehagelærar i Gol barnehage

Pedagogisk leiar / barnehagelærar i Gol barnehage

Gol barnehage har ledig fast stilling som pedagogisk leiar / barnehagelærar frå november 2025.

Golbarnehage er felles overordna organisering av dei tre kommunale barnehagane; Breidokk barnehage med eiga naturavdeling, Vesterhuset barnehage og Herad barnehage. Alle tre barnehagane har 4 eller 5 avdelingar for barn i alderen ca. 1 – 5 / 6 år. Sjå heimesida til Gol kommune for informasjon om kvar barnehage.

I Gol barnehage arbeider vi med ei kontinuerleg utvikling av barnehagane, og søkjer medarbeidarar som er interesserte i å ta aktiv del i utvikling, omsorg og læring hos kvart barn og av verksemda. Barnehagane samarbeider mykje og deltek i regionalt utviklingsprosjekt, Kompetanseløftet for spesialpedagogikk og inkluderande praksis.

Innhald i stillingane : Pedagogisk leiar er ein del av leiargruppa i den einskilde barnehagen, og har hovudansvar for planlegging og gjennomføring av det pedagogiske arbeidet anten aleine eller saman med fleire pedagogar på «sin» avdeling og for heile barnehagen. I tillegg skal pedagogisk leiar samarbeide med, leie og rettleie fagarbeidarar / assistentar på avdelinga aleine eller saman med anna pedagog.

• Kunne bruke digitale verktøy i både planleggingsarbeid og som eit pedagogisk verktøy
• Kreativ og leiken, samtidig som du kan vere ein tydeleg vaksenperson
• Har evner til å skape gode relasjonar med barn
• Bidreg til eit raust arbeidsklima
• Profesjonell, lydhøyr og tillitsvekkande i møte med kollegaer og foreldre
• Profesjonelt og utviklingsorientert læringsfellesskap og eit godt arbeidsmiljø
• Tilsetjing i samsvar med gjeldande lov og avtaleverk
• Rettleiingsgruppe for nye pedagogiske leiarar / barnehagelærarar
• Hallingdal har eigen MiB-gruppe for menn i barnehagane, og menn blir oppfordra til å søkje
• Det vil ved tilsetjing bli lagt stor vekt på personleg eignaheit og evne til samarbeid
• Dei som blir tilsette, må leggje fram tilfredsstillande politiattest jf. Lov om barnehagar
• Aktuelle søkjarar blir kalla inn til intervju, og må leggje fram kopi av vitnemål og attestar

Send søknad :

Informasjon om barnehagane finn du på nettsida :

#J-18808-Ljbffr