Barne- og ungdomsarbeidar

Overview

Har du sosialfagleg kompetanse og erfaring innan barne- og ungdomsarbeidarfaget og vil vere med å leggje til rette for trivsel, meistring og læring for elevar?

Os ungdomsskule har inntil 2x78% engasjement barne- og ungdomsarbeidar for skulåret 2025 / 26.

Vi søkjer deg som vil vere med å bidra til trygge og inkluderande læringsmiljø og gode resultat i skulane i Bjørnafjorden kommune, der alle skal med. Vi kan tilby eit inspirerande og mangfaldig fagmiljø der vi jobbar målretta for å skape gode oppvekstvilkår for elevane våre. Skuleutvikling står sentralt i Bjørnafjorden kommune, med særleg vekt på livsmeistring for alle, nærvær og fråvær og eit godt læringsmiljø.

Arbeidsstad

Os ungdomsskule ligg sentralt i Os sentrum og har 70 tilsette og 485 elevar fordelt på 5–6 klassar per trinn. Skulen sitt verdigrunnlag er bygd på tre sentrale fokusområde : "Meistring, tryggleik og anerkjenning". Vi jobbar målretta med oppdraget i LK20 for å fornye verdigrunnlaget og prinsippa for læring, samt vidareutvikle klasseromspraksisen.

Arbeidsoppgåver

• Legge til rette for positiv utvikling for alle elevar, m.a. ved arbeid med læringsmiljø og psykososiale faktorar - altså vere mykje saman med elevar, både i friminutta og elles.
• Arbeide førebyggande på individnivå, gruppenivå, klassenivå og skulenivå.
• Ha tett samarbeid med andre tilsette, føresette og hjelpeinstansar.
• Følgje opp enkeltelev i skulen.
• Delta i planlegging saman med personalet.
• Vere ein tydeleg vaksen.

Kvalifikasjonar

I tråd med opplæringslova stiller vi krav om tilfredsstillande politiattest av den som får tilbod om stillinga.

Ønska kvalifikasjonar

Vi søkjer etter kloke og fagleg dyktige medarbeidarar som har evne til å skapa gode relasjonar til elevane. I tillegg til formell kompetanse, er vi opptekne av personlege eigenskapar :

Personleg eignaheit vil bli vektlagt. Til nokre av stillingane oppfordrar vi særleg menn til å søkje.

Vi tilbyr

Bjørnafjorden kommune er ein arbeidsplass som verdset likestilling og mangfald, der alle tilsette forpliktar seg til prinsippet om likeverd og bidreg til å skapa eit inkluderande arbeidsmiljø. Vi ønskjer eit mangfald av søkjarar og oppmodar alle kvalifiserte kandidatar til å søkje, uavhengig av kjønn, alder, funksjonsevne, seksuell orientering, etnisk bakgrunn eller livssyn.

Etter utløpt søknadsfrist, vil det bli generert ei offentleg søkarliste med namn, alder, stilling eller yrkestittel og bustads- eller arbeidskommune for kvar søkar. Det kan gjerast unntak frå innsyn for opplysningar om ein søkar dersom vedkomandes sjølv ber om det. Opplysningar om ein søkar kan bli offentlege sjølv om ein har kryssa av for å bli unnateke. Dersom anmodninga ikkje vert tatt til følgje, vil søkaren bli varsla om det.

Vi vil aldri be søkar om å oppgi BANK-ID informasjon i søknadsprosessen.

Bjørnafjorden kommune har i overkant av 26 000 innbyggarar og rundt 1800 kommunalt tilsette. Vi er ein nær og varm kommune, noko som gjenspeglar seg i misjonen vår “Det gode liv for alle”. Som arbeidstakar bidrar du med oppgåver som er viktig for innbyggarane våre og lokalsamfunnet vårt. Du betyr noko, og det du gjer betyr noko! Vi jobbar med fleire spennande prosjekt, og er alltid på utkikk etter engasjerte folk med hjartet på rette staden. Er det deg?

#J-18808-Ljbffr